irchendwie hob i des g`fihl das der sch... kartnmischer gecha mi is. seit vier finf wuchn geht do gor nix mehr, bin etz vu 53T runter aff 39T weilst nur noch verlierst.Tendenz weiter fallend :-(. hob scho gor ka lust mer zu spieln. i hobs doch net verlernt des schofkopfn.

Das ging mir auch mal so, du konnte ich zu jeder Tageszeit reingehen und hab selbst Omas verloren, weil alles gegen mich stand.
Nach über einem Monat ging es dann langsam wieder aufwärts, natürlich mit kleinen Rückfällen.

Da hilft es nur, den Kopf nicht hängen lassen und wenn es an einem Tag nicht läuft, es gar nicht weiter versuchen, sondern erst am nächsten Tag wieder. Wenns ned laaft, dann laafts wirklich ned.

dann mach halt+

Des tät mich eh scho lang interessieren wie lang so ein Abwährtstrend anhalten kann...?!
Und warum dem so ist? Eigentlich unglaublich - es wird immer wieder gemischt, man steht auf wechselt den Tisch - Trotzdem wirds ned besser!

vielleicht hände waschen!

Oder den Geber VIERTEILEN, TEEREN und FEDERN!

hex, vielleicht so per pilgerreise über a streckn ungefähr so lang wia vo dillingen bis oidäding, und immer schee des schware kreiz aufm buckl.

also: händ hab i g`waschn, in meiner gedanken hab i den geber ge4teilt geteert und gefedert, die streck vo dilling af altäding kenn i net, etz laaf i den jakobswech no aff schpanien.
ha, und wenn i dann do bin .......... no werds su weitergeh wie vorher. ;-) obba Danke fir eier mitgefühl, fir eire aufmunderten worte, des hodd mi etz doch sehr berührt wie einfühlsam ihr doch seit, muß etz aufhörn weil i mir a tempo holn muß um die tränen die jetzt wie sturzbäche über mein backn laafn aufzufangn. danke danke danke.

@clubfanatiker
de pilgerwanderung war a möglichkeit für di, dass sich die chancen fürn club aufn klassenerhalt vergrössern. aber muasst morgn glei weggeh, damitst a bis zum letzt spuitag noch rechtzeitig in oidäding okimmst. und nimm an haufn kerzn mit, für 50 kerzn gibts oiwei oan punkt fürn club mehra. da derfst dann scho an container voi dabei ham, zumindest a leiterwagl voi.

sauspiel bescheißi............................................. ganz klar. vor allem dich

@senego. i hab nie behaupet das mi Sauspiel bescheisst. is nur frustrierend wennd nur noch federn lassn musst oder es setzt si anner an tisch der dann a moll drei herzsolo hintereinander spielt und du selber wochenlang gor nix kriegst, und wenn darfster sicher sei das anner alles gegen dich hat. Ist halt mal so.
also nochmal, ich sage nicht das sauspiel mich bescheisst.

spielst blos miot dösel oder is der der real no ned pasiertÜ
?

na, im realen leben is mer su wos no net passiert, klar, do host a amoll an obnd g`habt wos`d nix zammkricht hast, obba do hast halt des nächstemoll widda g´wunna. ne. @ zu denna "dösel" anner gibt aff an Tout o. 4 mit blos 4 klanna herz a kontra, -800p, zwa leng, der andere spielt an Tout mit 5 laafende. -800p. do frogst di dann scho.

spielst einfach gegen mich, ich verlier meine Solos grundsätzlich da gwinnst sozusagen ohne a guts Blatt ...

du bist ja lustig, hob heit widda gschpielt, net den hauch anner Chance. do host du ehra des glick dasd mer mei letzta punkt no wechnimmst.

@clubfanatiker
bin ganz deiner Meinung, schon irgendwie komisch des ganze.
Hab seit ca 1 Woche auch die ganze Schafkopfwelt gegen mich 150 Euro in der Zockerstube einfach so weg, Spiele die ma als Oma bezeichnet verloren grade noch Schneiderfrei und des en mass... Wahnsinn des ganze. Wie du schon sagst ein schlechter Tag okay vielleicht auch noch ein zweiter, aber dann sollt es schon mal wieder gut sein.

edz hoff mer hald a moll ob`s widda besser werd.
senn zwar nur punkde, obba a bissle schtoldz is mer dann scho wenn`d an haufn host, ne. allen sauspielern winsch i a gouts blatt, mir obba des bessere. :-)

Ich weiss die Lösung!!! Ist wie beim normalen Schafkopf auch..
bzw. bei jedem Spiel, entweder du kriegst was oder nicht..
Bitte Bitte, bin froh euch weiterhelfen zu dürfen
Wie immer musss ich mich fragen: Sag a mal brauchts dass???

@Zwetschgnmandl alias gerhard polt
du kimmst in jeden fred und moserst bloss rum!
sag a mal brauchts das???

geh einfach zum FC Bayern, I glaub, der Club hat halt zur Zeit kein Glück und das wirkt sich auf die Fans aus

i glaab`s bald ;-)

clubfanatiker, was warn des wieder für a gurkerei vo eich in gladbach. a so kemmts ned weiter.
so wia de bayern müssts spuin, nach rückstand spui drahn und ned glei an sand in kopf stecka, verstehst.
mir han mir!

:-) wos soll i noch dozou song. klor, des zweite tor darf net zähln, obba allaa an dem festmachn geht net. su wies aussicht steich mer etz doch ab. leider g`wehnt mer si scho dron das die deppen alla zwa johr absteing. dafir kummt doch augschburch nauf, is doch a a bereicherung fir`d erschte licha. ne.